2DP (已結業)

心目中嘅素食分上中下品，下品多为传统斋菜，唔健康、染色奇怪、且通常味道一般；中品，如港大嘅一念素食，乏善可陈；上品，就如2DP。上次到访，餐厅提供青瓜水，颇清新；今次系柠檬水，亦不俗。因为之前食咗街头小食，所以我地3个女仔share 2碟意粉。意粉比上次帮趁时升级左，有一块面包伴碟，唔系白面包，而系加入左香料制成，略脆，唔错。1. 西西里蕃茄忌廉芦笋阔条面食过最好味嘅蕃茄底，没有之一！蕃茄味唔系非常非常浓但系好顺口，同忌廉夹得啱啱好。我地食完忍唔住拎支羹饮埋D蕃茄底。豆角爽甜无青味，芦笋甜脆唔苦涩，西兰花吸满汤底，极好食。阔条面质感同其他餐厅食开嘅阔条面唔同，非常好咬。2.  黑松露杂菌阔条面正常餐厅嘅黑松露意粉/阔条面味道都相去不远，味道唔错，但无惊喜。无叫甜品，因为上次叫天堂卷（$76）中左伏。可能唔够卖，师傅将蛋卷切薄左，第一次见到蛋卷薄到摇摇欲坠，完全唔值。Yoku Moku蛋卷半条都系$88，相较之下喺度叫甜品会有D却步。