十十川滬料理 (已結業)

今日喺朗豪坊行完街，俾我发现一间唔错嘅川菜餐厅，要介绍吓俾大家。餐厅位于朗豪坊food court果一层，门面有啲难睇到，比我同朋友误打误撞入咗去食晚餐，又几有惊喜。餐厅每一日都会做唔同主菜嘅半价优惠，如果啱食都几抵食。点咗个前菜莴笋丝，虽然系清炒，但系都好惹味，做前菜一流。例牌口水鸡，鸡肉十分滑溜，冇太多骨，而且例牌其实都几大碟，几抵食。主菜点左辣子鸡，鸡肉虽然有炸过，但唔会揸到干争争，或令到鸡肉鞋飒飒。落咗好多辣椒同配料，食落非常惹味，仲有蜡烛热住，唔会好快凉咗。另外香辣小笼包都几特别，入边用咗麻辣嘅馅料。最后要赞吓佢嘅养生，合桃酒酿丸子，平时川菜甜品都会食糍粑，但黎依家一定要食合桃酒酿丸子，识落非常清甜，有少少甜酒味道，食完麻辣再食呢个甜品一流！