宏 (已結業)

嚟呢间餐厅食野之前，都知道甜品系出名，尤其系蛋卷，不过未食饭都要食正餐先嘅！见到餐牌都觉得个主食都几吸引同抵食，因为我想主攻甜品，所以拣咗个最抵食嘅海藻乌冬甜品餐，有沙律，一个乌冬，饮品，最紧要系有蛋卷！都系$99！估唔到主食海藻乌冬有啲惊喜，同平时食嘅乌冬唔同，呢款幼滑好多！主角蛋卷！我拣咗黑芝麻味，芝麻味够香，cream够香滑，蛋糕同cream嘅比例差唔多系一比一，我自己唔怕食cream,所以觉得个比例刚刚好！另外再叫咗两个甜品做我嘅主菜，日本草莓pancake同抹茶窝夫！士多啤梨好甜，食得出真系日本嘅士多啤梨！pancake偏厚身，蛋味较浓！唔错，最正就系上面有个小布甸！一次过满足甜品控嘅欲望。抹茶窝夫，配埋抹茶雪糕一定唔会错，亮点系有栗子酱，平衡番咁多绿茶味！