Ufufu Cafe (已結業)

琴晚同两个姐妹约左尖沙咀食饭，梗系要揾间多野食拣又坐得舒服既cafe，千挑万选下拣左呢间餐牌好多甜品既ufufu入到去个疑似经理既男人问有无book位，听到我地话无 就同个staff讲：「咪俾果张佢地啰」好似好唔情愿咁🤔好彩最后都安排左张窗口卡位。因为限时个半钟交枱，所以都拿拿临落单，拣左三个主食、一个甜品、三杯野饮。野饮我地嗌左两杯抹茶炼乳latte同一杯香蕉鲜奶。抹茶炼乳latte，有抹茶味，但无starbucks果啲咁浓味，饮唔出有加炼奶。香蕉鲜奶，香蕉味好香，唔算太甜。最先上枱嘅系呢个卡邦尼意粉，烟肉份量唔算多，但厚切有野咬下，增添左口感唔会太斋。意粉食落偏韧，好似未煮够时间就上枱咁，酱汁浓稠，一pat pat咁，个人唔太中意，但味道系够浓既。呢款pizza属于薄批，但厚薄适中，唔会好似Pizza Hut个薄脆批咁唔饱肚。抵赞嘅系芝士份量好足，配埋番茄酱好juicy，鲜虾够爽够大只，好味呢款蛋包饭价钱虽然偏贵，但吉列猪扒算几大块，而且好厚身，有一吋厚外皮炸得好脆唔油腻，肉质厚实，但有少少筋位。蛋包饭份量比较少，蛋仲多个饭，但真心个饭几好食，里面仲有蘑菇，食落口感丰富左。反而咖喱