葡匯咪走雞葡國餐廳 (已結業)

发现本地有葡国菜，好耐无过大海食既我好快约埋阿妈去品尝下！阿公系葡国人，自小去唔少澳门既我，食过最难忘反而系旧时尖沙咀嘅澳门餐厅。咁呢间由葡国人主埋嘅又如何？我未食过西贡旧铺无得比较，但都知道扩充都好难保存食物水准。刀贝蚬第－旧就觉好腥，成碟有－半系唔合格！烧沙甸鱼就因为洗唔净有Ｄ位有苦味！和暖嘅芝士马介休薯仔球就系成旧芝士无流心无马介休味包唔辣亲！肥仔葡式炒饭就只系加咗Ｄ提子干嘅西炒饭！葡式意粉味道可以，牛尾煲好油但都算滋味，乳猪都有水准👍水果酒可以净落Ｄ橙味嘅表皮唔好连Ｄ苦嘅白色部分被我扣分｡服务就有更大嘅改善空间，准时到埗接待处无人,等到有人出黎问完妳，之后就入返去妳又系企系度等，等到张靠墙枱但成张椅系薯片无人清，张枱边黏住酱汁又无人抹！Ｄ侍应可能系partime但唔该开工前了解下今日嘅甜品拼盘，有咩供应，蛋糕系咩款式，Ｄ免费猪仔麭唔问都无人主动拎嚟。我都唔想阻你收工，但系Ｄ野未到齐10:25妳就攞张单叫我埋，甜品据报导系有专人负责，呢样系最不负众望😀我老公重笑话今晚原来系黎食甜品，哈哈😬