美心烘焙所

营业中

休息中

难得放假冇约会, 今日去坑口探丫公丫婆, 系厚德商场兜下睇买咩比佢食。见到美心烘焙所有法式布甸面包卖, 顺便再买多几个甜品挞比佢地试试。店内仲有数款面包类, 仲有港式怀旧嘅沙翁。法式布甸面包:Size有拳头般大, 买嘅时候唔系新炉出炉, 已经滩冻咗; 如果想热食就要回家返热, 唔想烦, 一返到去即食, 包面有dd韧, 布甸很滑溜, 甜甜地, 唔会过甜, 老人家都岩食。软心芝士挞: 芝士挞表面火灸过, 脤得高高的, 芝士很creamy, 味道偏咸, 跟牛油挞底食, 稍为平衡到咸度。紫薯西米布甸杯: 布甸杯混入了林嘅西米, 有蛋香味又有层次, 底部仲有少少紫薯蓉, 正!沙翁: 表面平均沾上砂糖, 入里系空气感面包, 整体入口, 质感微微松脆, 甜甜地。另外买咗个吞拿鱼包, 质地厚实, 岩哂做早餐, 够饱肚。