Cafe 360 (已結業)

屯门市中心嘅食大多数都系连锁店，要揾啲小店而又有特色嘅cafe真系少之又少，所以cafe360喺屯门区已经算系一间比较大型同特别嘅cafe，成日都要排队。今日见到下午茶唔使等就入咗去。嚟得cafe，都系谂住坐得舒舒服服嗻，呢度嘅装修都唔错，环境几好。下午茶餐牌嘅菜式都多元化，焗饭意粉酥皮汤甚至甜品都有，价位就50-90都有嘅。肉酱意粉配酥皮汤再配红豆冰系一个比较抵食嘅选择。酥皮汤嘅酥皮整得好香脆，入边系蘑菇汤，味道较淡。肉酱意粉表现正常，肉酱都够捞成个意粉，味道一般啦，就同大家去快餐店食嘅差唔多。和风梳芙里多士配蓝莓及香蕉。呢个多系整得几好食嘅。外边多士皮非常香脆，多士内有吉士，十分柔软香滑，配埋啲生果系唔错。饮品就热咖啡同红豆冰。大家见到红豆冰个样就知道，哎，我都唔多讲喇。咖啡奶味好重，认真麻麻。结论就系甜品好食，热食就麻麻，饮品就最好唔好有咩期望。