大飯糖甜品小食屋

营业中

休息中

洪水桥好多hidden gem，今次去咗味道唔错的大饭糖，甜品加小食做午餐。杂果爷爷（$75）有点贵，不过配搭好好味，有软雪糕，下面有芒果、木瓜、西瓜、香蕉几款水果，食完水果仲有惊喜，最低层系充满椰皇味嘅大菜糕。赞！杂果芋圆（$36）有10种唔同口味嘅杂果，口感烟韧，好好味。但宇圆多咗啲，多番啲杂果就完美喇！咖喱拼盘（$39）有肠仔、鱼蛋、萝卜、猪皮，基本上烚完加咖喱汁，唔算入味，猪皮有少少毛，有啲失色。肠粉（$20）肠粉略嫌蒸得太耐，冇乜口感，上枱时只落豉油，要食客自己加甜酱麻将辣酱。肉燥鸡扒饭（$42）鸡扒好似翻炸过，唔算新鲜。肉燥汁有啲“杰”，味道一般。总括而言，甜品唔错，但饭类小食有点失色。