滿屋廚房 (已結業)

之前去过尖沙咀分店，原来系瑜景新城都开咗间，好近我啊呢到系以自助形式嘅，拣好野就系收银到落单同俾钱，由于系下午茶时间嘅关系，而各种甜品嘅价钱都几平，所以我同朋友决定黎一个甜品大食会首先有嘅系马卡龙，味道分别有香橙、百爵茶、棒子、绿茶同香蕉味，由于马卡龙系预先整好，再放入冻柜，所以有微微嘅雪味，口感有啲硬，一般般跟住系芒果千层切饼，呢到整到系有七层嘅蛋糕，班㦸夹住忌廉同芒果，忌廉嘅味道又唔盖过咗啲芒果味，如果可以整多几层就好喇另外仲有士多啤梨忌廉切饼，有海绵蛋糕、忌廉同士多啤梨系面做装饰，味道都几简单，系想像得到嘅味道黎最后就有人样蛋挞，将蛋挞整成人头形状，再系上面洒上朱古力粉，整番个女仔样出黎，虽然个皮唔系酥皮，但系都算唔错，而且蛋仲多过啲皮，用匙羹食比较方便