四點金飯店

营业中

休息中

一班人去食打冷，拣左呢间，因为系朋友食过推介既，而且环境比较好，坐得舒服啲。食打冷首先系试卤水，当然唔少得卤水鹅。要左下庄，唔算大份。味道偏清淡，同微甜，唔好浓味既朋友应该会钟意。鹅肉都唔会好稔，比较有咬口。整体黎讲都算ok。再试埋卤水鹅肝同鹅肠，肝都滑，有少少粉，卤水味偏淡。个人比较钟意鹅肠，好爽口，又唔会韧，质地好好。打冷另一样必试既系蚝饼，呢度系煎蚝烙。啲蚝仔都好多好大只，蛋味都几香，如果再煎香脆啲就完美。朋友话未食过薄壳，就叫左碟金不换炒薄壳。味道都几好，但似泰式多啲。见餐牌有石榴鸡，就点份黎试下。传统系用鸡皮包住啲鸡肉粒同疏菜馅，之后拎去蒸。呢𠮶就只系用腐皮黎做，味道ok，但就没咩特别。之后就试两样朋友推介既𩠌。先黎烧汁脆蟮，烧汁好惹味，蟮都好脆身，几香口，有少少可惜系蟮肉唔爽口。再黎系椒盐鲜鱿，好惹味，炸浆又薄又脆，鱿鱼鲜甜爽口，推介👍🏻👍🏻最后甜品都系朋友既推介，先黎潮州最出名既反沙芋。已经好少有铺头做，呢度都做得唔错。最后呢𠮶先系全晚最正既，就系蛋散！！即叫即做，超香超松化，真心香港No. 1😍😍甜品份量唔少，建议大家留肚食。