金源小館 (已結業)

金源一直都觉得佢汤同甜品系好味价钱又抵，今次同2个朋友加男人，一行4人（2男2女）去再食金源。因为每次我地去都要订位再加企门口成半个钟先有得食，所以今次都订定位，可能因为星期一关系，去到可以即时入去食野劲开心。而这间酒水不用加钱，所以佢地3个人3支红酒系度饮.....今次我地叫左一个汤，4个小菜同4个雪糕。最后食到超饱离开每人都系百三蚊，坚抵。汤今次没冇平时咁浓，但幸好还有一点点的药材味，而鱼同猪骨都好够份量，一个大约可以5碗。笋壳鱼系每枱必叫的小菜，份量够，炸得香口但肉嫩滑。加上䓤就更好味，4个人系食吾晒。黑椒牛仔骨系最失望的小菜，梳打粉太多，冇晒口感，但汁同配菜都好味，最后半碟系冇人食。椒盐白饭鱼炸得香口，但吾油，份量好多。如果醋再酸就更好。送红酒一流。蒜头瑶柱苋菜只作普通，但煮得太淋。雪糕系自制的，竟然有果肉系绝对惊喜，咖啡味浓，但酒就偏淡，但以＄14黎讲系超值。最后我地食左3个钟冇比人赶，待应仲好好不停睇我地有冇需要，抵赞。系一间会再黎的小厨。