糖黐豆 (已結業)

一间有炒粉面饭，广东、日本、西式野食既甜品屋，不过都系𠮶句，都系斋卖甜品罢啦 ~ 对上一次已经系两年前帮衬喇，连食咩都唔记得咯，只记得叫左个饭、有碟菜同饮左碗糖水，唔多满意同好普通啰。睇吓今次旧地重游又会点先 ~ 系街市食完饭，差不多两点，大烳又无 cafe，酒吧又无咁早开，无地方坐，咁是但行入糖黐豆啦 ~珍珠香芒豆腐花，食完都系唔知啲珍珠系咩野黎，口感爽脆脆，咬落索索声，似海底野，唔似西米，但到依家都唔知系咩。此甜品较清淡，好啱我，本人唔多好甜味的呢。香芒都新鲜清香，豆腐花大路，无咩特别。红豆珍珠，味道较浓较甜，红豆好味，珍珠咽咽靭靭，几得意既。