甜一刻

营业中

休息中

每次去亲荔枝角长沙湾附近，食完饭如果想食甜品结束每次嘅聚会，都会选择嚟甜一刻食甜品。 今次2个人嚟，夜晚个餐特登食得比较少，留番个肚嚟食甜品。 2个人叫咗一份芒果吐司，份量当然大份，但我地2女仔都可以食完一份。 夏天嘅关系，芒果啱啱好当造，所以啲芒果肉都好甜，唔会酸，亦且吐司嘅松软程度啱啱好，唔会太淋又唔会太硬，好好食，亦且摆盘又好靓，最底仲有用芒果酱整嘅花纹去衬托成个吐司，个样睇得又食得，CP值非常高。 甜一刻真系非常值得帮衬，甜品种类选择多，而且价钱合理，味道当然唔洗讲系好食，最紧要系连摆盘都有心机，色香味俱全。荔枝角附近有好多餐厅仲有戏睇，如果同朋友喺附近食完饭，步行行过去甜一刻都唔远，仲可以消化下先，空番少少肚出嚟食甜品。