樂糖 (已結業)

做野做到好攰，好想食餐好既，又唔想咁破费，所以拣左一间价钱合理，又可以食埋甜品既餐厅。我同妈咪叫左个二人餐，有一个沙律做前菜、一个意粉、一个pizza同两杯饮品。沙律只有生菜，而且无晒意大利醋、只有芝麻酱可选。意粉点了南瓜🎃鸡意粉，有好多南瓜汁，鸡亦都几滑，而且意粉好弹牙。不过食食下有少少「漏」。四重芝士pizza芝士份量唔算多，个皮系薄薄地，但又未至于系脆皮。个人认为麻麻地，但我妈妈好钟意！重头戏来了，就系甜品，跟餐叫雾之花卷只需加30元，都几抵架！香芋雪糕配薰衣草蛋卷，真系好满足呀！虽然抵食又美味，但地点系有少少唔方便，如果唔系之前见过一篇报导访问大厨，我都唔知有呢间小店。