La Postre (永樂街) (已結業)

逢星期二都在中环做运动，每次见到消耗400卡路里都非常高兴。但次次最后都败喺运动后嘅晚餐。今晚谂住食少少嘢，净系食甜品。嗱嗱嗱，不瘦之谜就系咁诞生。。。呢个「麻糬拿破伦千层酥」真系超级邪恶！初头以为普通芒果甜品唧。。。但一咬落口，第一层酥皮脆卜卜，第二层麻糬烟烟韧韧，之后芒果Juicy，仲有好挺身嘅Creme，真系好好味！本来系同个朋友Share食，但最后大部分都系俾我食晒 其实朋友食果个「杂果麻糬窝夫」仲夸张，上面咁多生果望落好健康，有粒粒士多啤梨、无花果、芒果、奇异果、桑莓等等。之后下层个窝夫好魔鬼，咬落脆边，里面麻糬软绵绵，甜甜地，仲有球雪糕喺上面慢慢溶，甜品嚟讲好有层次，我地2个都Like！