Mina House (已結業)

同男友去山顶行山，经过Mina House, 见到佢有个好吸引既甜品放题，就忍唔住入去试试喇。佢系厅中间摆放左一架甜品车，上面有各式各样既甜品，服务员仲好贴心不停为你加返啲甜品，真系食到你饱为止。佢有甜品蛋糕：伯爵歌剧院蛋糕， 朱古力做上层，饼底比较结实，成个口感好好。朱古力蛋糕， 好香浓既朱古力味，但冇乜甜味，朱古力慕士在中间。芒果热情果蛋糕，热情果酱做上层， 软蛋糕底， 酸酸甜甜，好味 。香草栗子蛋糕， 栗子好幼滑， 中间是软忌廉，最后一层系蛋糕饼底。绿茶芝士酥蛋糕，好香绿茶味再加上芝士味真系绝配。法式香橙乳酪蛋糕，香草豆腐泡芙 ，玫瑰草莓杯子蛋糕， 柑子挞，这几款小甜品都放到汤匙上面，插在一条柱上面，做装饰好又方便客人拎。水果杯就有菠萝同西瓜放系杯度，食完甜品食返啲生果中和下。