3 Italiani (已結業)

食完晚饭后朋友就提议去食甜品, 甜品系第二个胃当然冇问题啦！于是我哋就去咗试系谢斐道Tower 535 果间甜品店, 之前行街时已经注意到佢哋3个公仔头, 而家终于有机会试了！雪糕都有成二十多款比你拣, 仲可以试食添, 想试边款都得! 我就拣咗食缤纷乐口味同咖啡味, 缤纷乐味雪糕好似真系食紧佢嘅朱古力条咁, 唔会太甜几好! 咖啡味雪糕都好够咖啡香味,雪糕够滑!黑朱古力 ~ 好似粒朱古力溶系口咁, 好滑好香, 又唔会漏!士多啤梨芒果新地 ~ 士多啤梨好新甜, 雪糕口感都好似食紧原粒士多啤梨咁! 芒果雪糕都唔弱, 真系好芒果! 下次要再嚟试埋其他蛋糕,饮品先得