甜牙牙

营业中

休息中

又到甜品时间啦，旺角有好多间甜品铺，今晚就去左甜牙牙。以前行旺角时成日都经过，但都冇入过去食，今晚就系机会啦。餐牌都有好多款甜品拣，有心太软，窝夫，松饼，火焰雪山，绵绵冰，雪糕船，西米露，红豆沙，中式糖水，仲有饮品添。最终拣左火焰雪山，提拉米苏松饼层层同红豆冰。火焰雪山会系你面前加酒点火，所以绵花糖面会好浓酒味，入面有窝夫同云尼拿雪糕，好多层次。提拉米苏松饼层层有两块松饼，面头有两块手指饼，配一球云尼拿雪糕。松饼有蛋味，偏向蛋糕既松饼。红豆冰好多红豆，红豆好甜，捞埋奶就岩岩好。