Ocio (東港城) (已結業)

行行下间有啲想食甜品，见尼间cafe无乜人就入左去啦😆 环境装修都几靓同舒服嫁，好岩同朋友饮杯嘢倾下计。服务都几好，我地想坐近窗口嘅位置，店员都会尽量安排👍🏿。点餐就用QR code落单，大概10分钟就出餐。 今次我地点左一份朱古力麻糬窝夫。 甜品一上台就觉得都几大份嫁，最好同朋友share啦。另外，外面某啲同样既甜品系用原味窝夫加朱古力酱（可能系我磁场唔好挂😝），而尼间系朱古力味既窝夫，仲会铺上薄朱古力碎，小编已经觉得有诚意啦。虽然窝夫既朱古力味唔浓，但够厚实松软，里面仲有麻薯口感丰富。雪糕系一般既朱古力雪糕。 整体而言，甜品有啲意外既😆味道正常啦，唔难食。价钱同份量合理。之后有机会既话会有兴趣试埋其他既。