影片
更多
2024-08-02
1109 浏览
讲起D2 place, 你会谂到咩?市集?如果话你知D2 place有一间好食泰国菜，你又听过未?讲紧既系位于D2 place地下既Thai-ger, 佢地原本开响一楼电梯口，不过原本位置有d细，而家搬咗落地铺开扬之余仲好好坐!而家带小朋友食完全无问题啦~除咗环境好咗，野食款式亦多样化咗。除咗佢地既招牌船面，今次特登试埋佢地既甜品同特饮，睇下得唔得先!我地叫咗:椰子鸡汤小朋友最爱! 椰子味好香浓，一碗汤有车厘茄同草菇，如果有一两件鸡就perfect啦~泰式船面配牛肉及牛丸呢个算系佢地既招牌菜，因为佢地既船河汤底好浓，今日再食一d都无令我地失望!汤底香浓又足料，食完已经饱咗九成XD泰式干炒猪颈肉水晶河我地叫咗唔辣版本，食落就差少少灵魂，不过小朋友食唔到就无办法啦~水晶河炒得干身又唔油，值得一赞。猪颈肉够淋一d都唔鞋，最紧要系配料好多，菜心同猪颈肉差唔多淹没下底既水晶河!榛子朱古力香蕉酥饼lee个真系超邪恶! 榛子朱古力酱超多，同香蕉好夹~仲要有埋炼奶响面，真系好好味! 虽然唔系即刻食，但个皮都仲系脆，好impressed!自家制椰子雪糕椰子味好香浓，拍得住泰国风味!最欣赏佢有椰子肉同有脆
讲紧既系位于D2 place地下既Thai-ger, 佢地原本开响一楼电梯口，不过原本位置有d细，而家搬咗落地铺开扬之余仲好好坐!而家带小朋友食完全无问题啦~
除咗环境好咗，野食款式亦多样化咗。除咗佢地既招牌船面，今次特登试埋佢地既甜品同特饮，睇下得唔得先!我地叫咗:
椰子鸡汤
小朋友最爱! 椰子味好香浓，一碗汤有车厘茄同草菇，如果有一两件鸡就perfect啦~
泰式船面配牛肉及牛丸呢个算系佢地既招牌菜，因为佢地既船河汤底好浓，今日再食一d都无令我地失望!汤底香浓又足料，食完已经饱咗九成XD
泰式干炒猪颈肉水晶河
我地叫咗唔辣版本，食落就差少少灵魂，不过小朋友食唔到就无办法啦~水晶河炒得干身又唔油，值得一赞。猪颈肉够淋一d都唔鞋，最紧要系配料好多，菜心同猪颈肉差唔多淹没下底既水晶河!
榛子朱古力香蕉酥饼
lee个真系超邪恶! 榛子朱古力酱超多，同香蕉好夹~仲要有埋炼奶响面，真系好好味! 虽然唔系即刻食，但个皮都仲系脆，好impressed!
自家制椰子雪糕椰子味好香浓，拍得住泰国风味!最欣赏佢有椰子肉同有脆脆响面，同泰国街边食既有九成相似!
Lotus 焦糖奶昔
本身对呢个好有期望，不过黎到先发现濑野! 唔系话佢难饮，佢好香奶味，加埋lotus饼装饰好打卡able，只系因为同时叫咗榛子朱古力香蕉酥饼，所以搞到饮幻昔果阵变得唔甜。所以如果有叫榛子朱古力香蕉酥饼就要叫其他野饮，或者饮完野饮先食甜品，唔系会浪费咗个quota XD
泰式奶茶
泰奶fans要叫，茶味够浓够香，抵饮!
埋单$400落楼，中价但野食唔差! 可以再Encore!
张贴
