君蘭餅店 (已結業)

夜晚食完饭，总系好想食下甜品。所以睇吓手机，有冇外卖送餐，而咁岩得咁桥外卖送餐有半价推广优惠，左拣右拣之下，决定用系君兰饼店。首先落单要求要过$100，先有得进行减免。我就毫不犹豫拣咗个巴斯克焦糖芝士蛋糕（呢排兴），然后就叫多咗三件西饼。西饼质素中规中矩，但觉得可以品评一下花心篮，6蚊一件手工蛋糕，真系超值。蛋糕嘅心形做得好靓，而且分咗三层口感，几层味道，不错，只系嫌个西饼未够松软，可能放雪柜放得耐，有小小硬硬的。至于个焦糖芝士蛋糕就真系非常有惊喜，首先价钱唔贵，饼面亦都做到焦黑但系冇苦涩味，蛋糕相对结实，绝对冇偷工减料！我建议大家可以放喺室温半小时后享用，饼内口感会更软绵绵，亦都可以放入焗炉烤一烤，改为暖食！埋单都只系50几蚊，呢几个饭后甜品真系相当满意！