たまご園 (北角匯) (已結業)

喺北角食完晚饭，仲未够喉，想揾啲西式甜品食吓，经过呢间全间舖头都黄黄地色，好有日式餐厅嘅感觉，鸡蛋主题餐厅，但系我哋决定今日就嚟试吓甜品，原来佢啲甜品都几好食㗎啵，绝对有惊喜。下次要试吓佢嘅玉子烧同埋蛋包饭，我谂应该都几好食。今日食咗佢哋home made dessert 原味疏乎厘—正，超疏乎厘超级软熟，蛋味浓郁，配埋啲cream，好好味😋豆腐芝士蛋糕—佢个饼底做得好好食，豆腐芝士蛋糕，都系第一次食，好好味。冲绳黑糖杂莓乳酪—呢个甜品个样好靓好吸引，黑糖味加埋啲杂莓捞埋啲乳酪，加埋啲粟米片，一齐食，又健康又好味。