Bluebird Coffee (樂基商業中心) (已結業)

呢间餐厅热潮不断，我都想去见识一下蓝色嘅咖啡厅到底有咩过人之处。去到条人龙真系吓亲我，可能正值中午放饭时间，呢一间餐厅亦都提供轻便午餐之选择：有沙律同三文治。另外见到甜品柜嘅甜品都几多，专登拣咗几款试，可惜评价真系好麻麻。蓝莓芝士蛋糕同一般嘅好唔同，有种奶粉味，芝士菠菜酥，因为撞正佢啱啱出炉所以叫咗一个，除咗个皮好食之外，馅料真系太少喇，以$37嘅价钱嚟讲又唔饱肚，又唔化算。始终系咖啡店，我相信咖啡应该会出色一啲，特别见到佢有唔同咖啡豆俾人选择。想要浅烘焙又得，中又得， 深又得！