UFUFU CAFE (荃灣廣場)

营业中

休息中

今日同个旧同学见面，拣左商场入面呢间日西fusion嘅咖啡店，木系风装修，令人感觉悠闲写意！餐厅主要食甜点，都有少量咸点菜式。闲日嘅餐厅都坐满唔少人，见到佢地台嘅甜品令人流晒口水。点选照烧亲子鸡薄饼以及两个甜品分别系芒果派对以及咖啡芝士忌廉芭菲。Pizza嘅照烧酱汁非常惹味，再加上鸡肉同鸡蛋，味道好丰富，表面再唧埋沙律酱，好好食，亦好符合佢亲子呢个名！批底香脆可口，满意。芒果派对，超级美美，用上唔少花去装饰，食得又睇得，so yummy！多士好味道亦好邪恶，外酥香内软熟，加埋蜜糖同雪糕一齐食就更加一绝！再夹埋新鲜香甜嘅芒果同忌廉又系另一种风味，好食到心内大叫左好多次oiishi!咖啡芝士忌廉芭菲，雪糕再加埋啡味香气，口感绵滑，香气满溢。再淋上小杯热咖啡，令咖啡味更香浓，味道丰富，好滋味！朋友畀佢嘅咖啡吸引咗，点咗mocha咖啡，好香，咖啡味香又浓，盛赞比连锁咖啡店好饮。