影片
更多
2021-03-03
3107 浏览
钟意食Macaron大家，可能听过La Maison Du Chocolate、Laduree、Paul Lafayet、Jean-Paul Hevin Chocolatier、DALLOYAU甚至系今次介绍既Pierre Hermé Paris。我会知呢间Pierre Hermé Paris系因为女朋友系日本做野时食过两间好食既Macaron就系Pierre Hermé同Laduree，但佢话Laduree系热朱古力好饮而Pierre Hermé系Macaron好食，一直都系想像佢点好食法，原来香港系有分店，好好彩系情人节有机会食到女朋友买既呢间Macaron，佢话玫瑰系最好食，食完我完全同意，而且系我食过最好食既Macaron。Pierre Hermé Paris以前系Ritz Carlton、海港城有分店，呢家就得返IFC呢间店，Macaron系无得散买，呢个可能系唯一缺点，要一盒盒咁买再拣自己钟意食既味，礼盒装有4个、7个、12个、18个同40个，如果想试下岩唔岩自己口味可以试4个先，而味道有INFINIMENT既12种同SIGNATURE既6种，有时仲会有特别口味好似榛子白松
钟意食Macaron大家，可能听过La Maison Du Chocolate、Laduree、Paul Lafayet、Jean-Paul Hevin Chocolatier、DALLOYAU甚至系今次介绍既Pierre Hermé Paris。
我会知呢间Pierre Hermé Paris系因为女朋友系日本做野时食过两间好食既Macaron就系Pierre Hermé同Laduree，但佢话Laduree系热朱古力好饮而Pierre Hermé系Macaron好食，一直都系想像佢点好食法，原来香港系有分店，好好彩系情人节有机会食到女朋友买既呢间Macaron，佢话玫瑰系最好食，食完我完全同意，而且系我食过最好食既Macaron。
Macaron
$180
177 浏览
4 赞好
0 留言
Pierre Hermé Paris以前系Ritz Carlton、海港城有分店，呢家就得返IFC呢间店，Macaron系无得散买，呢个可能系唯一缺点，要一盒盒咁买再拣自己钟意食既味，礼盒装有4个、7个、12个、18个同40个，如果想试下岩唔岩自己口味可以试4个先，而味道有INFINIMENT既12种同SIGNATURE既6种，有时仲会有特别口味好似榛子白松露、鹅肝榛子味等。
-
1️⃣ 玫瑰荔枝红苺 💰40（👅: 9/10）
Macaron
$180
212 浏览
1 赞好
0 留言
外表系粉红色加D深色既粉红色，手感好似枕头咁，轻按落去唔会烂会慢慢反弹，一咬落去发觉不得了，外表系薄薄脆脆咬落系非常酥脆，一咬就好似溶系个口入面，浓浓既香气随即涌现，但同时会有烟韧感，真系外脆内软，同时内馅湿润度足够唔干身，口感札实丰富，撕开薄脆外层会睇到松软绵密既内层，好似打左D空气入去咁，有D似食紧棉花糖咁，呢个口感既比例可以话系拿捏得好好。
可以系成份表睇到Macaron主要系用蛋白，杏仁粉，白砂糖同糖霜整出黎，但呢间既Macaron食落唔会觉得系食紧一啖糖，甜度我觉得系适中。
玫瑰荔枝红苺中间既配搭非常好，食落会好似乳酪既creamy口感，会食到小小酸酸既红莓果肉，同香甜既荔枝、清香既玫瑰相相映成趣，味道好fresh又好食，
不过咁多个口味，玫瑰荔枝红苺系比较甜D，Macaron中间会夹住荔枝红苺既酱，食落系几甜下，不过我觉得可以接受。因为荔枝红苺既酱味太出，玫瑰味会无咁出但都会食到小小。PHP系味道发挥都系非常好，但味道又唔会太过人工。
-
2️⃣ 玫瑰花瓣 💰40（👅: 9.5/10）
玫瑰花瓣系我最钟意既味道，外表系粉红色既Macaron，靠近会闻到玫瑰既香气，内馅既夹心馅料系用花瓣做成，食落花香味重而且清甜，甜度完美而食得出馅料札实。
佢同玫瑰荔枝红苺既分别就系玫瑰荔枝红苺既荔枝红苺味好出，食落好甜会抢左玫瑰既味，但呢个玫瑰花瓣就只会食到玫瑰既味道同香味，如果只想食到玫瑰既味道食呢个就岩，市面好多玫瑰味既野食都系好假既香精味，呢个会好似食紧handcream咁。
-
3️⃣⃣ 开心果 💰40（👅: 8.5/10）
外表系开心果既绿色，食落开心果味非常浓郁但完全唔甜，会食到粒粒既开心果碎，平时好小食到开心果咁重既甜品不过呢个几出色。
-
4️⃣⃣ 巴西黑朱古力 💰40（👅: 8.5/10）
外表随左系朱古力既颜色之外，仲多左D朱古力既斑点，可以闻得出既朱古力香味。食落系有惊喜，因为无谂过呢个朱古力系完全唔甜，唔甜系因为佢系朱古力70%，但朱古力味系非常之浓郁，系好纯正既朱古力味，食哂完全唔觉得好HEAVY。内馅依旧够湿润，好似食紧慕丝咁，凝固左但好似无硬度咁，口感丰富。
-
5️⃣⃣ 云呢拿焦糖 💰40（👅: 8/10）
外表系云呢拿既米白色加上有D金粉做点缀，闻落有小小自然既云呢拿香。
内馅既焦糖味够厚，浓得黎唔会太甜，口感够软棉，外层够脆但内心黏软，形成对比。不过会觉得味道系咁多种之中无咁有惊喜，有小小系EXPECTATION当中，但口感每一啖都系EXPECT唔到。
-
🌟网上有比较过Pierre Hermé Paris、Laduree、Jean-Paul Hevin Chocolatier同DALLOYAU既Macaron，结论系PHP系比起其他重量同厚度系最高，而且食落唔算甜，酥脆正常不过烟韧度足够，系4者之最。
我无去过巴黎食本店，不过出品质数应该系非常稳定，有系日本食过既话味道系一样，甚至系同巴黎店无分别。虽然4个盒装将近40蚊一个Macaron，应该系巴黎店既一倍价钱，但我会话非常值得，我唔系成日食Macaron不过第一次食呢间真系一秒爱上，尤其系玫瑰味道，呢家每次经过IFC都会想买黎食。
-
👅味道: 9/10
🍴环境: 7.5/10
💰消费: $160/4个 (服务费: NA)
张贴
