影片
更多
2021-12-01
3936 浏览
屋企人有会员优惠，价钱ok于是book左食dinner buffet，时间由18:30到21:45。1825去到，等左两三分钟，职员安排左空中花园旁边位置，侧面就系驻场歌手，有兴趣可以点歌，气氛好好。ps职员收碟，清洁桌面，食物夹都快，整体服务可以话几好。饮品有汽水，果汁，咖啡，茶，可以自取调配。冷盘冇蚝，但有龙虾同面包蟹，职员refill已经好快，但头半个钟都系要排长龙，所以可以迟少少先再食。热荤选择唔太多，有炸粉慷慨既炸蚝，冇膻味既羊肉煲，瘦身一口鸭肝，留恋蒸汽浴既石班等等。羊架其实唔差，但比较生，差唔多系blue，外表红嫩但有渣，熟多少少会比较易咀嚼。烧味冇乜特别，油饭香茅味好出鸡就浸过火，叉烧够玫瑰露香。火炙寿司既超长蟹棒好有趣，饭细细旧可以一试。火炙和牛得个名，脂肪比例同分布似特瘦牛肉薄片，冇牛肉香味。粉面档有唔少海鲜可以自己拣，冬荫功汤底与同building间越南菜几乎一样，可以试试。甜品no.1杂果拿破仑，no.2原味蝴蝶酥，no.3 Tiramisu，以上三款系平常最冇兴趣既甜点，但帝苑真系有一定水准，甜品外貌已经吸引到客人，所以非常建议一试。其他甜品都好唔错，特别系朱
1825去到，等左两三分钟，职员安排左空中花园旁边位置，侧面就系驻场歌手，有兴趣可以点歌，气氛好好。ps职员收碟，清洁桌面，食物夹都快，整体服务可以话几好。
饮品有汽水，果汁，咖啡，茶，可以自取调配。
冷盘冇蚝，但有龙虾同面包蟹，职员refill已经好快，但头半个钟都系要排长龙，所以可以迟少少先再食。
热荤选择唔太多，有炸粉慷慨既炸蚝，冇膻味既羊肉煲，瘦身一口鸭肝，留恋蒸汽浴既石班等等。羊架其实唔差，但比较生，差唔多系blue，外表红嫩但有渣，熟多少少会比较易咀嚼。烧味冇乜特别，油饭香茅味好出鸡就浸过火，叉烧够玫瑰露香。
火炙寿司既超长蟹棒好有趣，饭细细旧可以一试。火炙和牛得个名，脂肪比例同分布似特瘦牛肉薄片，冇牛肉香味。
粉面档有唔少海鲜可以自己拣，冬荫功汤底与同building间越南菜几乎一样，可以试试。
甜品no.1杂果拿破仑，no.2原味蝴蝶酥，no.3 Tiramisu，以上三款系平常最冇兴趣既甜点，但帝苑真系有一定水准，甜品外貌已经吸引到客人，所以非常建议一试。其他甜品都好唔错，特别系朱古力/咖啡类，甜苦适中，细味留香，反而H雪糕、凉粉、pancake相比下普普通通。
overall其实同价位有唔少热荤更多、更好食既选择，但中意甜品既呢间一定系首选。
张贴