佳佳甜品

营业中

休息中

食飽飽，又想同朋友傾多一陣間計，食甜品或者糖水就啱晒😎😎今次喺佐敦附近食完晚飯，就嚟咗佳佳，地理位置都算方便，幾近地鐵站。佢哋嘅出品夠晒穩陣，而且價錢算係大眾化，合理價格，合理質素😌😌餐牌簡潔易明，主要都係一啲傳統中式糖水，有凍有熱。芋蓉蓮子西米露（熱）本身以為芋蓉係一舊仔放入糖水入面🤔🤔原來唔係！而係成碗糖水嘅質感都傑傑地，芋蓉已經混和其中！質感算係好滑，有好香芋頭味，又有啲西米，有少少軟糯口感🥰🥰暖笠笠，超舒服。蓮子唔苦，幾有咬口👍🏼另外，朋友叫咗凍嘅楊枝甘露，佢話都唔錯，性價比算係幾高，唔使$40😋😋不過要留意嘅係，越夜就越多人，分分鐘要排隊😉