許留山 (已結業)

食饱饭有少少意犹未尽, 所以决定去揾甜品食, 师傅觉得铜锣湾区可以选择嘅唔多, 奈何唔想去满记, 唯有四处碰碰, 可惜都系揾唔到, 最后师傅行到热辣辣, 就求其揾间算啦! 一坐底等左好耐先有阿姐黎执枱, 人手唔够, 再睇下有咩食, 最后师傅就要左冻灵芝龟龄膏, 而友人要左西瓜柚子西米捞! 等左一阵就有得食, 先讲下个左冻灵芝龟龄膏, 坦白讲师傅真系唔识分咩龟龄膏系好味, 咩野系唔得, 但净系知呢个灵芝龟龄膏系可以接受, 药材味有, 不过唔算浓, 而且整得几滑口, 唔使咬都可以吞得, 可以; 而西瓜柚子西米捞就几搅笑下 , 西瓜波就淡而无味, 柚子就苦中带涩, 而西米捞就劲甜, 师傅肯定佢沟甜水, 加上西米冇咬口, 完全唔得, 不过一次过比你试晒咁多种味觉享受, 仲想点? 总括黎讲食物质素一般, 环境劲逼, 加上唔够人手, 服务普通, 价钱就一般, 勉强可以去食; 师傅明明话去食甜品, 竟然变左食补品; 但系间甜品店竟然系补品出色, 问你服未? 下次喺铜锣湾区最好都系唔好揾甜品食上策, 笑脸肯定冇可能比, 好在又喊唔出, 师傅咁嘅心情都冇事, 你都算大话夹好彩喇!