甜圓坊

营业中

休息中

个日关门前45分钟去到，啲姐姐系咁话: 我哋准时就要走架啦，起码提左四至五次，听起黎好似唔想接我哋呢枱咁。我哋坐都未坐低食，而且我哋都冇打算久留，都系谂住食完个糖水就起身，可以唔洗咁多番提醒。最后我哋都系关门前走左。呢度原来有最低消费，好似每人二十蚊，我哋叫左招牌综合芋香挫冰、嫩仙芋奶冻同埋原味蛋饼。其实两个甜品啲料差唔多，分别在于有冰同冇冰。料都几丰富，有芋圆、小丸子、西米、红豆、薏米同珍珠，挫冰会有芋头肉添。佢啲冰系好大粒嘅冰黎，对于我呢啲牙齿敏感嘅人黎讲不了，食左一啖就冇食，但个一啖都感觉唔到啲咩味，好似就咁含左啖冰入口咁。佢个仙草冻有俾个淡奶仔你去自己决定加唔加，咁梗系加左好食啲啦。佢啲芋圆同丸子类都好烟韧，但又唔会话要花好长时间去咬。整体佢嘅甜品都唔会好甜，料多到可以食饱肚，同人share实冇死。佢个咸点蛋饼好香煎蛋味，仲食到蛋黄嘅香。个皮就有啲厚但料就有啲单薄，同出面台湾餐厅个啲冇得比，不过呢个价钱都抵嘅，喺出面一定唔会用呢个价钱食到。