FULL/half (已結業)

听讲呢间餐厅就搬，所以马上再黎食一次。今次有四个人，可以叫多啲唔同主食。 先黎个南瓜汤，仍然保持质素，香浓得黎又唔腻。 然后黎个虾沙律，只虾又大又新鲜！海胆意大利饭，呢个配搭都几新鲜，当你细细咀嚼饭粒既时候会感受到一丝丝海胆香味。无食过黑鳕鱼，相比银鳕鱼，似乎更鲜味，肉质更结实。厨师将鱼煎得啱啱好，表皮香脆，同时保持内里肉质鲜嫩。牛其实不过不失，反而伴碟薯蓉做得好出色，应该加左啲忌廉，吃完一啖又想食另一啖。春鸡好香脆，厨师仲好贴心咁帮我地分好晒件，食起上黎就好方便。 呢间西餐啲甜品好高质，当然价钱比普通甜品舖贵少少。今次我地叫左呢个 苹果金宝，表层好松，味道啱啱好，唔会太甜，热辣辣既苹果金宝配上雪糕食更加系一流。窝夫都做得唔错，仲好大份！其实个雪糕都好好食。