芝心糖人街 (已結業)

朋友钓咗条野生黄𫚭仓，约去九龙城开餐，新鲜几斤重嘅海鱼真系食到停唔到口！食饱饭，行咗半个钟女友话要去食甜品！揾咗间装修简洁，选择又多嘅舖头入去试！本来谂住基本动作，但估唔到有惊喜！凉粉系我食甜品嘅首选，可能系童年回忆关系啦！但更确切嘅应该系佢独特嘅口感！呢碗杂果凉粉一放埋嚟就好想食，因为一睇就知D生果系新鲜挑选过嘅！如此配答胜在够清甜！海带绿豆、腐竹意米，可能系最经典，最传统嘅中式糖水！系小时候老妈子最经常煲嘅！好少在外食中式糖水，因为多数偏甜，但见阿姐诚意推荐，即管一试。果然甜度适中！海带绿豆胜在足料，海带份量够多就自然清甜。腐竹意米就胜在腐竹味够浓，意米又煲得够火喉、够滑口！各自食咗部分之后，女友建议试吓两沟。哈哈！唔试由自可，一试就番唔转头！睇嚟我以后都会咁食法。