陳茶館芋圓甜品專門店 (馬頭圍道)

营业中

休息中

其实帮衬咗间舖头好多次，甜品芋圆系好食，但系今次令我好失望。入到舖头个收银职员嘅态度已经麻麻地，店入面有几张空枱，但都要用一个好不满嘅态度叫我地起身调去佢指定嘅位，咁我都好配合调位。（其实如果系咁，我建议你地安排返个带位员，等我入店之前知道要坐边张枱。）当我喺柜枱落单，个职员带住口罩讲嘢，佢间店啲音乐又比较大声，我听唔到佢讲咩，佢就用冇礼貌兼大声咁问我「要冻定热呀！」 呢啲职员嘅服务态度只会令香港嘅饮食业越嚟越差….. 虽然啲甜品系好食，但我宁愿会拣一个服务态度好啲嘅甜品店。