抹茶館 (荷里活廣場)

营业中

休息中

我地叫左3个定食，另外再加多一个甜品。见到Meun好似好丰富，饭类定食有配菜、玉子烧、炸物、日本汤、甜品及指定饮品。如果唔要指定饮品，可以照价减$10拣抹茶类饮品。我拣咗软雪糕牛奶抹茶，朋友拣左白玉雪糕牛奶抹茶，两者分别主要系雪糕嘅质素，后者系云呢拿雪糕球，再配上白玉(即系好似小丸子咁)，非常Q弹！不过我会钟意食软雪糕多啲，高质软滑。至于定食就一般啦，配菜系啲日本渍物，但味道就偏淡，玉子烧同跟餐甜品(布丁)就似系啲现成货，反而个汤就唔错，洋葱汤辣辣地够开胃！四色海鲜丼可能佢主打唔系刺身，感觉都有少少失望，刺身唔系特别新鲜，最大问题系个饭好热，一啲都唔夹！柚子胡椒风味香葱盐烧猪肉猪肉系有盐味，但柚子只系比咗柚子酱你，感觉都系一般。牛肉寿喜烧锅配温泉蛋3个定食入面最好系呢个，但比起佢嘅甜品，的确有啲失色。抹茶白肉芭菲抹茶雪糕味浓又够滑，配上脆脆，真系好夹我好建议大家去试佢嘅甜品类/抹茶，因为性价比都高！但定食就一般，我再黎都只会食佢嘅甜品，如果净计甜品，其实都好食！坐得又舒服，都值得去。