海記合桃坊甜品 (已結業)

係疫情肆虐嘅一日,喺旺角依然係唔少人,食完午餐想食甜品，好多甜品舖都係下午三四點先開，喺旺角太子附近搵，其中一間一點幾已經開始有早開嘅係呢間海記甜品。嗰日一心想食芋圓，但係附近一間幾出名嘅芋圓甜品唔開，所以入到去都冇乜點諗過就叫芋圓甜品。熱嘅芋圓甜品選擇中有咋喳或者紅豆，朋友揀咗咋喳我就揀咗紅豆試吓。芋圓係有少少人工橡膠感覺既彈牙，細細粒，但份量都好足。香港來講水平都唔錯，就唔好同台灣個啲比啦。我鍾意呢款紅豆沙唔太甜，都夠沙，整體來講算係唔錯，十分飽肚。