貴族甜品 (元州街)

营业中

休息中

我今次买左甜品放题团购，所以一试，食啲之前未食过嘅甜品。第一个食姜汁芝麻汤圆，只系普通汤圆，冇乜特别。皮薄，都几好食。 第二个朱古力心太软配雪糕。 呢个都ok，配两个雪糕，但心太软我觉得有啲细，因为正价都要$48架。不过亦有可能系团购放题所以细啲啦。第三样甜品系红豆相思呢个我搞左两下先记得影相。材料都几丰富下，粉圆同芋圆好有咬感，我觉得呢个几好食。最后，第四碗，芒果河粉捞。我已经饱喇，食唔落呢个真系有点儿失望，因为自己本身都钟意食芒果嘅，但真系好难食。啲白色河粉好甜，个底系芒果冰底真系唔合衬，如果系芒果西米的话应该会好多。最后讲下𠮶度啲服务。话差又唔系嘅，因为得一个姐姐喺度，客又多。有时想揾姐姐落单，佢又失左踪，一系佢就收紧钱，真系做唔切，因为见在场好多都食团购放题，最少都十二、三个客，一个人真系做死！姐姐都好友善，一见到我挥手都会过黎帮我落单。不过出甜品速度真系非常慢，整嘅起码都十分钟，我谂都系因为团购嘅关系啦。总括黎讲都ok嘅，未系最差嘅。之后嘅日子都会帮衬。