城寨煲皇

营业中

休息中

打边炉食材真系好重要，呢度款式好多好齐全，仲有小食添，真系好丰富！牛肉已经有唔同既款，我地就叫左挂架牛颈脊，一上枱就打左卡先，好有气氛，有啲烟喷住出黎，牛颈脊脂肪唔会太多，油花岩岩好，咬落好有质感有嚼劲，都腍身唔会好硬好鞋，牛味亦浓，唔中意食得太肥既朋友就一定要试啦！农场鲜鸡子亦系不可不食，鸡子好大粒，真系新鲜鸡子，鸡子胀卜卜，鸡味香浓，粒嫩既口感，咬开仲爆汁，真系新鲜到无朋友！菜方面选择都唔少，唐生菜仲有野菌杂菜盘都好食新鲜，最中意佢地既粟米劲清甜，冬菇又大粒，健康啲食下菜就岩！而海鲜亦有啲特别选择，花刁醉虾就够晒特咁，鲜虾用花雕酒腌到醉醉地，非常入味，渌完出黎再食都食到香醇既酒香，渗晒出黎，虾肉又弹牙，另外原只鲜鱿同珊瑚蚌都系够晒新鲜！汤底都有几款选择，我地就叫佐药膳滋补醉鸡汤，有成半只鸡咁多，认真足料，汤底真系饮到浓浓既药材味，非常补身，再慢慢打边炉，愈滚愈香！打方炉途中都可以叫小食，我地叫佐百花炸油条，系虾滑酿入油条，油条本身都松脆，酿佐虾胶之后再炸几分钟，更加松化，唔中意咁热气可以浸一浸汤再食，同样好食！