影片
更多
2019-07-13
37 浏览
老公话同事提及有间新餐厅好得意，就想系我生之前带我去试下，本身都冇特别期望，去到就有D大吃一惊，真系成个装潢都系似捉古代客栈(除左厨房之外)。升降机门一开，就大大个牌面入眼，都有少少震撼感嘅。店员(身穿店小二服装)虽然好忙，但见到我地都即刻冲过黎带位。见到餐牌虽然好多选择，但大肚婆选择其实唔多，太冻或太甜都唔太适合，加上dinner时间，就叫左少少点心，加呢度招牌特色甜品。当日客栈差唔多坐满晒，野食都冇咁快上枱，就利用呢段时间周围行下。老公对d武林秘笈好感兴趣，觉得都好新意，我觉得收银台嘅酒壶柜都比较有趣，之后仲睇埋有咩古装衫可以试，可惜客人好多，冇咩选择，而且d衫同配件都乱晒，有d仲跌左落地，呢方面卫生可能差少少，我求其揾左件皇帝衫试就算。叫点心有茶配，个茶壶好传统，d杯细细只，好有格调。不过食野时就觉得个杯太细，keep住要斟茶，有少少麻烦，再加上客人多，要加水都要叫几次先有，要俾d耐性。$22 香滑奶皇包︰同酒楼点心好似，大小适中，仲要热辣辣上枱，食落好香奶皇味，不过少少可惜嘅就系唔系流心，如果系流心应该会更好味。$22 手拉白布肠︰肠粉系偏硬身，唔易散开，亦好易挟，呢点我比较欣
老公话同事提及有间新餐厅好得意，就想系我生之前带我去试下，本身都冇特别期望，去到就有D大吃一惊，真系成个装潢都系似捉古代客栈(除左厨房之外)。升降机门一开，就大大个牌面入眼，都有少少震撼感嘅。店员(身穿店小二服装)虽然好忙，但见到我地都即刻冲过黎带位。
见到餐牌虽然好多选择，但大肚婆选择其实唔多，太冻或太甜都唔太适合，加上dinner时间，就叫左少少点心，加呢度招牌特色甜品。当日客栈差唔多坐满晒，野食都冇咁快上枱，就利用呢段时间周围行下。
老公对d武林秘笈好感兴趣，觉得都好新意，我觉得收银台嘅酒壶柜都比较有趣，之后仲睇埋有咩古装衫可以试，可惜客人好多，冇咩选择，而且d衫同配件都乱晒，有d仲跌左落地，呢方面卫生可能差少少，我求其揾左件皇帝衫试就算。
叫点心有茶配，个茶壶好传统，d杯细细只，好有格调。不过食野时就觉得个杯太细，keep住要斟茶，有少少麻烦，再加上客人多，要加水都要叫几次先有，要俾d耐性。
$22 香滑奶皇包︰同酒楼点心好似，大小适中，仲要热辣辣上枱，食落好香奶皇味，不过少少可惜嘅就系唔系流心，如果系流心应该会更好味。
$22 手拉白布肠︰肠粉系偏硬身，唔易散开，亦好易挟，呢点我比较欣赏，因为我最惊d肠粉易散，会冇左质感。
$20 金菇肥牛卷︰2条4件，份量少左d，不过都好够味，不过不失，但如果人多一齐去就会唔够分。
$88 象棋牛奶冻︰食呢个要俾d耐性，幸好上枱有d惊喜，真系模拟棋盘。而家我大肚唔食得太甜，呢个牛奶冻唔会太甜，细细个都易入口，老公就觉得唔够甜，可以再甜d，同埋棋颜色调转左，不过我觉得已经好有心思，起码系其他餐厅从来未见过，值得试下。
张贴
