翠華餐廳 (已結業)

由于某人同我打赌输左要请我食翻餐，地点时间佢安排，明明我赢佐点解唔系我话事去边食既算喇，我大人有大量原谅佢喇。我如约黎到加拿芬道既翠华餐厅，哩间系我第一次黎，一入门口已经爆晒棚，好彩佢早黎到霸定位先。肚仔饿死喇，例牌叫番个奶油猪。奶油猪系切片面包涂上炼奶入烤箱烤制，奶香深入面包里，面包甜香，外脆内软，很简单既料理，但很美味。最重点既系好快就可以上台，啱晒肚空空既我。炼奶比较多，本人系好钟意食甜食既，所以对于我黎讲甜度啱啱好，如果唔太钟情甜食既请慎点。奶茶都几丝滑，奶味足，冻柠檬茶都唔错，食完奶油猪饮番啖柠檬茶，甜腻感尽消，爽啊！咖喱牛腩饭：咖喱同饭系分开既，味道都几好，好浓郁，有小小辣，感觉仲有一阵奶香味，牛腩好嫩，够大旧，同大旧既薯仔衬翻，牛腩同薯仔都好入味。海南鸡饭：鸡肉系起骨既, 份量因为全部系鸡胸肉既关系, 俾人既感觉好多, 鸡肉味道还可以, 酱汁提供两款-- 甜豉油同酸鸡酱，个人比较喜欢甜豉油。翠华餐厅有咁多分店，系茶餐厅中产品都算过得去，光顾既人好多，服务员都好忙，但系系服务行业中，服务态度与食物同样重要。如何令到美食加分？就是服务！