泰風SO

营业中

休息中

细个时同屋企人去食泰国菜好钟意饮龙眼冰，因为够哂香甜，仲可以解辣。话说星期六同老公二人行下街，扫下街，拍下拖，行行下见到有间泰国小店，佢有张poster 写话有龙眼冰买，我立即双眼发光，9秒9冲上去睇下，点知店员话冇货....心立即跌落谷底。点知再行多一阵，去买盐水鸡之后行过见到又有一间都几大间嘅泰国小店，入面除左有粉面仲有小食卖，老公话入去睇下有咩小食买比三只小妖，睇睇下老公见到个雪柜入面有龙眼冰，佢立即买黎比我饮。25蚊其实都唔平，不过个一下个心想饮就唔理咁多啦。一打开已经闻到好香嘅龙眼味，同埋见佢比起出面食店嘅深色，一饮落去超香超大阵龙眼味，不过可惜系过甜，甜到最后连三只小妖都唔饮。不过个一下就满足左我嘅愿望，就算太甜我都觉得ok。