法國小屋

营业中

休息中

今日天阴阴，落住毛毛雨，令人提唔起劲，食甜品就啱哂啦。餐厅位于大街嘅后面，虽然不太起眼，但够清静舒服。餐牌有意粉主食，咸甜窝夫等，都相当吸引。Nutella朱古力窝夫窝夫烤得香脆，淡淡嘅蛋黄香，配上nutella同caramel，好sweet呀!! 半份即焗苹果批金黄色嘅批底，加上一片片嘅苹果，外表已经非常吸引了。一口咬下，批底非常酥脆，配上苹果嘅柔软，口感一流。批底嘅牛油味突出，加上酸酸甜甜嘅苹果片，唔油腻之余，仲有果香，真系食到停唔到口呀!龙虾汤橙红色龙虾汤，香味十足。饮落顺滑，如果加点蔬菜，定能增加汤嘅层次感 。雪山与白云（蝶豆花牛奶）一杯好适合打咭嘅饮品。外观好靓，一层紫蓝色嘅蝶豆花，一层白色牛奶，真系好似雪山与白云，好有诗意。虽然天气一般，但可以系恬静嘅环境下，食到美味甜品，都算系赏心乐事呀。