永樂園餐廳

营业中

休息中

呢间老字号嘅永乐园屹立咗喺中环昭隆街几十年，由以前做暑期工开始已经会过嚟买早餐食，之后每几年有经开都会忍唔住嚟帮衬下，呢度嘅名物热狗个酱汁非常特别，应该系餐厅自家调配嘅，口感非常 Creamy，个味道有少少以沟咗沙律酱嘅千岛汁，而且仲有少少甜芥嘅味道，我未喺其他地方食过呢只味；面包松软而温暖，条肠仔仲可以拣双肠，睇住啲肠仔喺部肠仔机度辘吓辘吓令人相当治愈，肠仔口感较为松散，系介乎厨师肠同小红肠嘅程度，虽然感觉好似小红肠咁有啲下栏但系感情搭够，再加上个无敌酱汁，抵我一直久唔久都有挂住佢。