影片
更多
2017-03-19
2400 浏览
老婆个家姐一家人住晌碧涛花园，所以，马铁嘅石门站一年都有机会嚟一两次，睇住佢对出嘅荒地变商场「京瑞」，是日同老婆嚟到沙田万豪酒店嘅MoMo Cafe叹个甜品自助餐，同样喺由露天停车场变成酒店，感觉好似转眼间嘅事。餐厅啱啱新推嘅自助餐名为「环球之旅甜品自助餐」，供应时间逢周六、日，3:30pm-5:00pm，成人每位$118 + 10%。但跟指引上载甜品自助餐相片到facebook或instagram，可享净价每位$98，划算好多 。餐厅嘅环境非常舒适，地方故然阁落，采光十足，一室雅致嘅暖和木系，让人感到写意悠闲。中间更有一大区域梳化椅，甚有叹下午茶嘅感觉，不过，食起嘢上嚟就有啲唔方便，所以，都喺拣番近窗口啲餐枱位，同样宽敞舒适。因为喺「甜品」自助餐，所以，清一色以甜品为主，所有甜点都放晒晌中央甜品区，走一圈就一清二楚有啲咩款式，粗略所记，有近30款，款款都精致的骰，后面仲有一组糖果柜，共14款得意糖果。咁称得「环球之旅」，就要包括多国嘅甜点，本土嘅就故然唔少得啦，仲有澳门、台湾、日本、马来西亚、新加坡、泰国、英国、法国、德国、意大利、瑞士、美国……等多国款式。每款甜点都配上名牌，除知道
餐厅啱啱新推嘅自助餐名为「环球之旅甜品自助餐」，供应时间逢周六、日，3:30pm-5:00pm，成人每位$118 + 10%。但跟指引上载甜品自助餐相片到facebook或instagram，可享净价每位$98，划算好多 。
餐厅嘅环境非常舒适，地方故然阁落，采光十足，一室雅致嘅暖和木系，让人感到写意悠闲。中间更有一大区域梳化椅，甚有叹下午茶嘅感觉，不过，食起嘢上嚟就有啲唔方便，所以，都喺拣番近窗口啲餐枱位，同样宽敞舒适。
因为喺「甜品」自助餐，所以，清一色以甜品为主，所有甜点都放晒晌中央甜品区，走一圈就一清二楚有啲咩款式，粗略所记，有近30款，款款都精致的骰，后面仲有一组糖果柜，共14款得意糖果。
咁称得「环球之旅」，就要包括多国嘅甜点，本土嘅就故然唔少得啦，仲有澳门、台湾、日本、马来西亚、新加坡、泰国、英国、法国、德国、意大利、瑞士、美国……等多国款式。每款甜点都配上名牌，除知道喺乜之外，仲印有相关国旗喺边度嘅地方甜点。
生果碟小弟一向食自助餐第一轮例牌都会喺沙律或生果，志在先开开胃，之后再拼搏，不过，佢哋嘅甜品自助餐无提供沙律，就只好食多几片生果，以及晌朱古力喷泉度整几粒朱古力火龙果及菠萝。
第一轮甜品碟因为目的都喺食甜品，所以都喺尽量样样都想试，故随心拎，无话精选要拣边款。第一转拣咗椰挞、葡式蛋挞、面包布甸、提子松饼、榴梿酥饼、焗苹果卷。
依一转以面包布甸、提子松饼、焗苹果卷几款做得较好食。干身挺实嘅提子松饼搽啲忌廉芝士，未必喺人人都喜欢嘅质感，但小弟就几钟意嘞。而焗苹果卷做得颇出色，横切面睇出苹果喺切片做，一块叠一块，口感比切粒好，又加咗提子干、肉桂粉，味道层次好，再者，个皮够酥脆，当然，热啲就最好啦！
椰挞充满椰香，口感湿润，算唔错；葡式蛋挞虽然有热灯照住，但保唔到咩温，所以，欠热度嘅葡挞感觉都喺差少少，还好蛋浆够滑；榴梿酥饼外皮几挺酥化，咬落榴梿味几香，只喺榴梿果肉太少。
第二轮甜品碟食完第一转抖抖回气，而第二转所拣嘅甜点有以下款式：班兰戚风蛋糕、班兰椰丝卷、薰衣草忌廉泡芙、意式奶冻、珍珠奶茶奶冻、朱古力冬甩、布朗尼、香橙芦荟杯。
今转嘅甜点款式都颇有特色，几钟意薰衣草忌廉泡芙、珍珠奶茶奶冻、朱古力冬甩、布朗尼依四款，超好食，尤其布朗尼，朱古力味浓郁，唔又唔止里面有合桃，外面仲加有一大粒果仁，正呀！不过，部份食物可能因摆放耐，流量慢，变得唔太好食，如班兰戚风蛋糕、班兰椰丝及下一转嘅和菓子，味道OK嘅，可惜外皮或外层有啲干硬。意式奶冻同香橙芦荟杯做得比较「实净」，欠缺应有嘅质感。
第三轮甜品碟再后一轮甜品碟，所拣嘅几款精致甜点如下：和菓子、铜锣烧、杞子桂花糕、椰汁西米糕、合桃酥、彩虹千层糕。
铜锣烧因为喺现场即做，填满清甜红豆嘅铜锣烧，掂㖞，不过，最好拣佢即做好嘅嚟攞，咁饼皮先「新鲜」软绵，有啲做好摆晌度，肯定无咁好啦；椰汁西米糕及合桃酥同样做得几好，前者好滑充满椰香，后者松脆。但其余几款就不过不失，唔试都无损失。
即焗紫薯梳乎厘即近尾声，九成几饱就唔敢成碟成碟咗拎，打游击逐款甜点试试。紫薯梳乎厘喺店家推介，唔单喺即点即焗够热辣，虽然无焗到弹高成倍，但不失松软轻绵，而且，薯味足，真喺唔错。
木桶豆腐花是日最后一道甜点，小弟无乜点食，老婆就赞佢几嫩滑，有豆香。
热咖啡、热红茶食甜点，无论如何都要衬番一杯咖啡，所以，小弟就要咗鲜奶咖啡，虽然喺机冲，还好咖啡够醇香，只喺无撞奶泡所诱发出顺滑均匀嘅感；老婆就要杯红茶，有消滞安神之效。
虽然餐厅嘅环境非常舒服，晌星期六、日嚟迤吓，不知几爽，但「甜品」自助餐在香港人而言，都喺较小众嘅兴趣，所以，能长期吸客都好有限。然而，提供一啲沙律、咸点、酥饼、面包、三文治……等等咸食，变为「下午茶」自助餐相信有更多人有兴趣，选择亦无咁单一。
张贴
