影片
更多
2017-10-15
283 浏览
今日趁天气清凉，想入下白泥郊游睇日落。夜晚出返元朗巿区觅食，见有间餐厅个名几特别 - 1523钊级厨房，地方细细，最多可以容纳20人左右。见门外有人等位，质素应该有返咁上下，仲全日免加一，就即管试吓~粉面饭套餐几十蚊︰黑板亦有特别推介，可以单点，或者加$20就有成set餐汤+蒜茸包+餐饮(只限$18饮品)。餐汤系【蘑菇忌廉汤】，面头有一抹忌廉令个汤香滑啲，成个汤都系蘑菇蓉够足料，而且唔会过浓稠，唔怕饮完太饱肚。配嘅蒜茸包就面包皮薄而脆，入面松软，够晒蒜茸味。我哋无拣粉面饭套餐，因为两个都系食肉兽，无肉不欢，睇啱左牛扒同猪手~~【美国12oz黑安格斯Prime肉眼$298】 Prime肉眼系美国牛肉等级最高嘅一种，肉质与脂肪分布均匀。100只牛之中只有大概2只可以符合Prime嘅标准，所以呢个价钱系合理嘅。叫咗五成熟，肉质粉嫩肉汁多，最正系啲脂肪油花分布均匀，所以肉香油香混合埋一齐，味道丰富，但牛味唔算太浓! 仲有少部份位置做得熟咗啲啲，不过件肉眼扒本身够高质，所以都唔会话好嚡好干，依然美味。配上食红肉嘅最佳拍挡红酒汁，味道又再提升一个层次。伴菜仲有新鲜沙律菜，仲有胡麻酱添~薯蓉系黑松露
粉面饭套餐几十蚊︰
黑板亦有特别推介，可以单点，或者加$20就有成set餐汤+蒜茸包+餐饮(只限$18饮品)。
餐汤系【蘑菇忌廉汤】，面头有一抹忌廉令个汤香滑啲，成个汤都系蘑菇蓉够足料，而且唔会过浓稠，唔怕饮完太饱肚。
配嘅蒜茸包就面包皮薄而脆，入面松软，够晒蒜茸味。
我哋无拣粉面饭套餐，因为两个都系食肉兽，无肉不欢，睇啱左牛扒同猪手~~【美国12oz黑安格斯Prime肉眼$298】 Prime肉眼系美国牛肉等级最高嘅一种，肉质与脂肪分布均匀。100只牛之中只有大概2只可以符合Prime嘅标准，所以呢个价钱系合理嘅。
叫咗五成熟，肉质粉嫩肉汁多，最正系啲脂肪油花分布均匀，所以肉香油香混合埋一齐，味道丰富，但牛味唔算太浓! 仲有少部份位置做得熟咗啲啲，不过件肉眼扒本身够高质，所以都唔会话好嚡好干，依然美味。配上食红肉嘅最佳拍挡红酒汁，味道又再提升一个层次。
伴菜仲有新鲜沙律菜，仲有胡麻酱添~
薯蓉系黑松露薯蓉，好食，食晒~
【慢煮原只德国咸猪手$168】只猪手好鬼大只，比起我个拳头大好多。猪手皮唔会话好厚皮好难咬，而系薄皮同极之脆。 皮下面有一层薄薄嘅肥膏，切开见到入面啲肉好粉嫩。皮+膏+肉一齐放入口，有齐三种味道口感 - 皮又香又脆；肥膏又滑又有油香；肉就味道十足同埋够嫩滑又唔会干争争，绝对系慢煮出嚟嘅效果。特别一提系所配嘅蜜糖芥茉酱，一食就知系餐厅自己调配，因为蜜糖味好够浓，食落好似成只猪手搽左层蜜糖咁，好正好正，一定要点汁嚟食!!
我地将两个主菜share嚟食，食晒肉眼扒先食猪手，但切开依然仲系热。揭开块脆皮见到肥膏反射灯光闪令令咁，但层肥膏又唔会过厚，系靓猪手嚟。百几蚊就食到大只靓猪手，大满足~
餐饮叫左【特浓朱古力】同【朱古力咖啡】。
【特浓朱古力】味道果然比出面一般跟餐朱古力热饮浓少少。
【朱古力咖啡 +$18】朱古力味唔太出，但咖啡味好香浓，饮得出系即磨咖啡。可惜奶系冻嘅，如果有加热会更好!
除左食物质素，服务亦值得一赞，店里面只有一位女侍应，传菜执枱收银一脚踢，但依然手脚俐落而且笑容亲切有礼貌。意粉、意大利饭类，7:30前落单仲有8折!
午餐嘅话，最平都系$48咋，肉眼扒都只不过系$78，转餐只系加$10，绝对系街坊价钱，抵!!
张贴
