影片
更多
2024-02-14
208 浏览
就咁睇个名都知道系一间玩味十足既小店，睇menu见到野食非常多种类，几乎你谂得出既佢都有得卖，韩式鱼糕，日式料理，美式汉堡，港式烧卖鱼蛋，机乎你谂得出既佢都有得卖，仲有好多有趣创新既配搭。舖头面积唔大，只有少量企位，但人流好多，食物好多都系即叫即整，唔会话炸定哂系度等人买，所以制作需要一点时间，落单时店员亦都贴心提醒左等候时间。今次叫两样野，就等左20分钟先上齐。《$29 炸烧卖8粒- 甜酸火龙果酱》见到舖头入面贴左张香港烧卖关注组既高分评价，话咸蛋黄炸烧卖几高分，就黎试下佢。不过我就拣左新奇有趣既甜酸火龙果酱。开放式厨房可以望到烧卖系即刻炸既，一拎上手就比佢只颜色吓亲，鲜艳既粉红色中间仲有一点点火龙果籽，有一种食化学元素周期表既感觉。首先讲下烧卖，因为酱汁味道太抢已经食唔出烧卖本身既味，但咬落去就唔系成旧粉，有食到鱼肉既感觉，而且烧卖有炸过，食到烧卖外皮微脆。酱汁比得好大方，足够将8粒烧卖完全包裹哂。酱汁偏甜，唔系好有火龙果味，有少少似M记点麦乐鸡果只甜酸酱既味道。唔可以话好伏，但下次应该唔会试了。舖头仲有十几只酱可以选择，钟意挑战既朋友仔欢迎去试下。《$68 鲜牛油果酱鸡蛋沙律》沙
就咁睇个名都知道系一间玩味十足既小店，睇menu见到野食非常多种类，几乎你谂得出既佢都有得卖，韩式鱼糕，日式料理，美式汉堡，港式烧卖鱼蛋，机乎你谂得出既佢都有得卖，仲有好多有趣创新既配搭。舖头面积唔大，只有少量企位，但人流好多，食物好多都系即叫即整，唔会话炸定哂系度等人买，所以制作需要一点时间，落单时店员亦都贴心提醒左等候时间。今次叫两样野，就等左20分钟先上齐。
《$29 炸烧卖8粒- 甜酸火龙果酱》
见到舖头入面贴左张香港烧卖关注组既高分评价，话咸蛋黄炸烧卖几高分，就黎试下佢。不过我就拣左新奇有趣既甜酸火龙果酱。开放式厨房可以望到烧卖系即刻炸既，一拎上手就比佢只颜色吓亲，鲜艳既粉红色中间仲有一点点火龙果籽，有一种食化学元素周期表既感觉。首先讲下烧卖，因为酱汁味道太抢已经食唔出烧卖本身既味，但咬落去就唔系成旧粉，有食到鱼肉既感觉，而且烧卖有炸过，食到烧卖外皮微脆。酱汁比得好大方，足够将8粒烧卖完全包裹哂。酱汁偏甜，唔系好有火龙果味，有少少似M记点麦乐鸡果只甜酸酱既味道。唔可以话好伏，但下次应该唔会试了。舖头仲有十几只酱可以选择，钟意挑战既朋友仔欢迎去试下。
9 浏览
0 赞好
0 留言
4 浏览
0 赞好
0 留言
沙律用纸碗装住，个纸碗好深，大约有5吋高。但就系由于纸碗太深，好难将成个沙律捞均，变左上面既菜过多酱汁，下面既菜又完全冇味，如果换一个阔口D既碗就完美啦。成个沙律主要都系生菜同沙律菜组成，入面仲落左少量大啡菇同车厘茄，大啡菇切得好细粒，食完都感觉唔到食左。上面就系满满既牛油果酱同沙律酱，牛油果酱系即整，好新鲜，亦都好饱肚。但牛油果酱痴埋一旧分唔开，捞唔到落个沙律度。其实呢个价钱咁大个沙律咁多料，收费都算合理，当大家扫街唔想食得太热气，都可以黎买个沙律清清肠胃。
0 浏览
0 赞好
0 留言
0 浏览
0 赞好
0 留言
环境：6/10
食物：7/10
服务：7/10
性价比：7/10
整体：7.5/10
#香港 #美食 #香港美食 #foodie #食评 #饿妈家姐 #尖沙咀美食 #尖沙咀 #香港 #炸烧卖 #街头小食 #扫街 #牛油果酱 #牛油果沙律 #鸡蛋沙律 # 甜酸火龙果酱
张贴
