魔膳工房 (已易手) 新餐厅

黎呢到食过几次午饭，食物水准都唔错，而且环境都舒服，所以都成为左我同朋友聚餐既好去处之一，今次就同朋友黎食下午茶，三点黎到，但佢话三点九要交台，其实都几赶，不过一场黎到废是再谂啦~下午茶选择十多款，由四十几至六十几都有，但反而四十几既主要系意粉居多，小食反而贵啲，本来想叫轻食三文鱼炒蛋加muffin，可惜佢话无哂muffin用餐包代替，心谂完全系两回事黎...最后叫左精选蛋糕，就系呢个蓝莓芝士蛋糕，其实一直都想试佢既甜食，因为见食评都唔错~ 首先个size个人觉得细左啲，可能岩比细食女仔食，同朋友share就一定唔够架喇~ 蛋糕面上既蓝莓酱有别于平时既好似蓝莓jam既质地，而家主要蓝莓粒，酱反而少啲，所以唔会觉得好甜，个人觉得酱用黎平衡蛋糕既腻感，所以唔可以太少。至于本身蛋糕既芝士味都香浓，质感唔系好实的的果种，偏软身入口融化果类，但整体未算如预期中惊人，属于可以接受既级数，可能下次试其他特式啲既蛋糕先试到佢既特别啦