鋒哥廚房 (已結業)

见天气有啲凉，又系打边炉时间，呢间锋味厨房之前都想会一会，奈何一直无胆去，因为佢既生啤任饮真系劲吸引，怕去左就返唔到转头！佢主打鸡煲羊腩煲海鲜生啤任饮任食，一开始就羊腩煲然后再鸡煲，最后点个锅底打边炉。今日得2个人我哋就无点羊腩，直接来个花雕醉鸡食下。半只鸡都好大只，煮完啲鸡花雕味好足，真系食完想再食！食完鸡打左个底就梗系来料饮生啤！锋味个宣传口号系可能系全港最多生啤任饮既铺头，真系唔系讲笑，白啤有成7款，黑啤都3款，仲要系比日本靓生啤，德国生啤你，呢啲外面一杯都成旧水，叫人点忍到口呀！一来就整杯惠比寿湿下口，再来就神泡premium，接著就来个本地友啤酒，味道浓到淡。饮完白啤就转下黑啤，真系越饮越过瘾！唔记得讲佢仲要有冰杯提供，真系唔赞唔得！饮到咁上下就叫左个猪骨煲食，佢啲海鲜真系生鲜又多款，任食比到咁既质素真系掂！一边食一边老板都过左来吹下水，仲教左只黑啤沟白啤会劲易醉，成个气氛真系正！