隠家拉麵工場 (已結業)

女朋友话西九龙广场上面有一间好出名嘅拉面，咁好啦去试吓啦。点知恶梦就嚟啦！我哋叫咗一碗白伝，一碗黑伝，一个饺子，一个鸡翼。先来鸡翼上枱，仲要系秒上，快到好似冇煮过咁样，一上枱就见到只鸡翼好似营养不良咁样，超细只，似系长期被浸住喺酱汁𠮶度，浸咗好多日，有人叫就拎出来𠮶只，味道当然难食，鸡翼都可以煮到咁鞋，真系好难。跟住到白伝黑伝上枱，我食白伝，一试之下，利害了，呢碗野可以话系达到洗肾级数既咸，佢仲要惊你唔够咸，特登喺隔离整咗一咋木鱼粉比你，我真系要劝一下如果有高血压或者心脏病嘅人士切勿服用，再讲入边𠮶两块叉烧，好鞋，鞋得好紧要，鞋到好似食鞋底一样。我食过呢碗白伝，已经唔想再试黑伝，冇期望，只有失望。好戏当然在后头，食咗碗咁难食嘅拉面，已经好唔开心，谂住食下啲唔会有镬气嘅饺子啦，一上枱，望落好似好脆好香口果只，点知只筷子一笃落去，喂，大佬，软既？下边块”脆皮”仲软过软皮蛇。好野，食左四样野，冇一样系好食，之后仲要屙咗两日。真系健康嘅俾埋你。sorry,真系冇下次。