Black Sugar Coffee

营业中

休息中

因为网图睇到装修几靓，收藏咗好耐都未去过于是今朝同BF去食brunch。 中午12点半左右到，门口冇人排队冇人等位，室内仲有几张台吉住未坐满。我哋本来想坐门口嘅小圆台，BF都坐咗落去了，店员突然话不如你哋去坐方台。于是我哋又行去再入边少少嘅方台，BF又已经坐咗落去了，店员又突然指住最入边嘅双人小方台，因为见到BF坐咗2张双人小方台拼埋一齐嘅台，但我哋并冇用任何物品霸占晒2张台，都只喺坐咗其中一张。我已经开始燥火，明明冇几多客人排队等，铺头又未坐满人，必须要咁样毫无礼貌地push我哋一次又一次？？ 如果好多人等紧位铺头又好爆，我哋会理解同配合。但今日呢个Peak hour都唔满人并且冇人排队，咁搞法乜心情都冇晒！本嚟真系嬲紧差D闹个店员，平时一向无敌好脾气嘅BF都俾佢搞到一肚火弹起身冲出去走人，我哋就走咗。 毫无服务意识，装修再靓出品再好，都唔会做得耐。如果生意每况愈下，确实要感谢呢D咁识赶客嘅店员！