冰極餐廳

营业中

休息中

今日系隔离𠮶位嘅生日，用生日免费优惠入海洋公园，入场时送咗优惠券，去企鹅餐厅有9折同送汽水一杯。入场之后我哋就即刻坐海洋列车上山，落车后好快就去到餐厅，但好多人等位，我哋拎咗飞，再睇埋企鹅行埋铺头，都仲等多10几分钟先入座。不过我哋真系好幸运，我哋张枱就响正玻璃窗隔离，企鹅就系我哋眼前游来游去。真系好正。食物都唔错，叫咗一份杂扒同一个带子意粉，杂扒味道正常既，意粉比想像中好食，粒带子好大好鲜，意粉我哋叫咗一人份量，唔算好大碟，下次会醒目叫二人份量，因为真系几好食。后尾发现可以预先用Apps攞飞，但要连接海洋公园Wi-Fi先可以拎到，有少少麻烦。下次生日再入公园，都会再去呢度食。