影片
更多
2023-01-08
186 浏览
想渡过一个仪式感满满的生日吗？咁就要睇我哋今次嘅介绍啦😆之前下昼经过见到好多花花草草，望落几啱打卡，当时已经bookmark咗，适逢有朋友生日，book个位试下佢🤓座位分左室内同室外，当日天气都几热吓，虽然室外环境再靓啲，不过怕热嘅我哋都系选择坐室内🤣黑松露酱配香脆薯条 $68炸到热辣辣脆卜卜，一上枱已经闻到好香，而且份量十足，面层有芝士同黑松露粉，个酱食落好浓好香🤤🤤芥末籽蜜糖焗美国顶级猪鞍架 $208佢系属于厚切猪鞍，食落肉质偏硬，而且腌得比较重手，令到佢变得好咸🫠 可能因为咁，所以酱汁调得比较淡，但啲薯仔系几好食嘅😂红酒烩牛面颊肉意大利饭 $148酱汁好浓味，牛面颊整得好松软，饭比一般嘅意大利饭硬啲啲，呢个份量就细啲，啱女仔食🥰Hᴏᴍᴇᴍᴀᴅᴇ Tɪʀᴀᴍɪsᴜ $48食落好绵密，咖啡味好重，但可惜无酒味，Sɪᴢᴇ都几大，啱哂对于唔太钟意酒味嘅🐨香蕉士多啤梨榛子朱古力忌廉班戟OᴘᴇɴRɪᴄᴇ订座晚市每位消费满$250就送法式班戟一客，加$10多一球云呢拿雪糕整体唔系好甜，但好多香蕉🤣 Nutella搭乜都系咁夹咁正，饼皮都系朱古力，味道都几浓😗甜品送上嚟嘅时候，餐厅会播生日歌，令
之前下昼经过见到好多花花草草，望落几啱打卡，当时已经bookmark咗，适逢有朋友生日，book个位试下佢🤓
座位分左室内同室外，当日天气都几热吓，虽然室外环境再靓啲，不过怕热嘅我哋都系选择坐室内🤣
黑松露酱配香脆薯条 $68
炸到热辣辣脆卜卜，一上枱已经闻到好香，而且份量十足，面层有芝士同黑松露粉，个酱食落好浓好香🤤🤤
芥末籽蜜糖焗美国顶级猪鞍架 $208
佢系属于厚切猪鞍，食落肉质偏硬，而且腌得比较重手，令到佢变得好咸🫠 可能因为咁，所以酱汁调得比较淡，但啲薯仔系几好食嘅😂
红酒烩牛面颊肉意大利饭 $148
酱汁好浓味，牛面颊整得好松软，饭比一般嘅意大利饭硬啲啲，呢个份量就细啲，啱女仔食🥰
Hᴏᴍᴇᴍᴀᴅᴇ Tɪʀᴀᴍɪsᴜ $48
食落好绵密，咖啡味好重，但可惜无酒味，Sɪᴢᴇ都几大，啱哂对于唔太钟意酒味嘅🐨
香蕉士多啤梨榛子朱古力忌廉班戟
OᴘᴇɴRɪᴄᴇ订座晚市每位消费满$250就送法式班戟一客，加$10多一球云呢拿雪糕
整体唔系好甜，但好多香蕉🤣 Nutella搭乜都系咁夹咁正，饼皮都系朱古力，味道都几浓😗
甜品送上嚟嘅时候，餐厅会播生日歌，令你嘅朋友即时成为全店焦点🤩 寿星可能会尴尬癌🫣 但系身为朋友嘅你会笑得好开心😆 仲会得到店员同隔离枱食客嘅祝福
另外几位店员都好热心，轮住过嚟问使唔使帮我哋影相，见我哋张枱细，都好积极帮我哋收碟，除咗舖面比较细同啲枱之间比较贴之外，整体感觉都唔错嘅，建议有朋友生日，可以带佢过嚟打下卡，接受吓人哋嘅祝福🫣
张贴
